星期一 , 九月 26 2022
Login  
主頁 / 最新熱點 / 移民英國】英國想剪頭髮有乜選擇?£3剪髮有無伏?

移民英國】英國想剪頭髮有乜選擇?£3剪髮有無伏?

在英國剪髮都有唔少選擇

移居外地除了基本衣、食、住、行,剪頭髮都係無得避難題。在英國想剪頭髮都有唔少選擇,仲平至£3有交易。

英國剪髮好貴?

唔少網上資訊都指英國剪頭髮好貴,究竟貴成點?在倫敦入Salon剪一般£30走唔甩,部分名店如香港人開設的Hands Hair Salon,剪髮人均消費就要£40。此消費水平確實令唔少亞洲留學生嗌貴,但對香港中產人士而言,三、四百港元剪個髮其實係正常消費,這班有相當實力的中產人士,移居英國繼續幫襯當地Salon就無乜心理壓力。捨得畀幾百元剪髮,除可考慮Hands Hair Salon,ikkar HairTicro Hair都係評價不錯的倫敦剪髮名店。

男士們想簡單一點,則可以幫襯近年大熱的Barber Shop。一如香港的「同行」,英國Barber Shop都係以剪懷舊髮型作賣點,一般不設洗頭服務,但收費就較Salon平一截,最平£5都有交易。不過Barber Shop師傅剪髮風格係喜歡幫你兩邊鏟短,所以入到店內通常會要你揀幾多號長度,意思係電動鏟推頭的尺吋,No越細推頭就剪得越短,唔想兩邊太「青」,就要揀大No的推頭,你亦可以問問師傅的意見,他們通常都樂意按你髮型建議要用幾多號推頭。

英國想剪頭髮有乜選擇?-3-剪髮有無伏?
英國理髮入門知識

自己剪 VS 做Model

即使捨得使錢,唔少過來人都表示遇到溝通問題,即使拎埋張相拜託洋人髮型師照住剪,可能大家對髮型審美觀唔太同,剪出來效果有時不符預期。解決此煩惱,有人會選擇到華人開設的髮型屋,貪溝通上較方便。但因為唔少社區華人主理髮型屋已經有限,有口碑就更少,故此為剪個髮可能要搭一小時車去髮型屋。

既然都麻煩,唔少人就索性選擇擔任髮型學校Model換取平價剪髮優惠。知名髮型學校如TONI & GuySassoon AcademyLondon School of Barbering都有提供這類優惠,男士擔任Model的話,免費到£3至£6都有交易,一般都推薦付費服務,例如£3就包埋剃鬚。至於女士到Sassoon Academy一般都£13,呢個價錢可以感受名牌髮型學校服務算係抵。至於伏唔伏,付費剪有老師在旁邊睇住,通常剪出來效果都okay,而且擔任Model都係一個獨特體驗值得一試。

除了出街剪,簡單修下頭髮,唔少居英港人都會選擇自己剪。例如女士可以用小髮剪修下瀏海,男士買個電鏟,就可以自己或交由另一半修下兩邊及後邊頭髮,咁又可以拖多幾個月唔使去剪髮。特別係現在疫情期間,英國唔少髮型屋索性唔暫停營業,幫自己剪頭髮更變成生活不可少的「技能」。準備到英國居住的朋友,不妨報讀剪髮課程,幫自己添多一門生活技能吧。

有關 admin

Check Also

電髮藥水既重點.係簡單快捷.唔好踩屎💩 我地FEELING出左一款經濟實惠.智能藥水🪄 ✨保證性價比高🚨行過路過唔好錯過

感覺專業香港 電發藥水既重點。 …